En 1991, o novo slogan «Passion for life» remite a un turismo cada vez máis activo e vivo, acorde co noso carácter apaixonado que move a quen nos visita a gozar das súas vacacións. España amósase como o destino que responde á procura do visitante de experiencias e emocións diferentes.

En 1998 e baixo o slogan «Bravo Spain», creouse unha nova campaña de comunicación cun lema rotundo e memorable, de fácil e igual pronuncia en todas as linguas. Transmite unha imaxe de España como un país moderno, con calidade e diversidade, e busca fidelizar aos seus visitantes en produtos alternativos ao sol e á praia, captando un turismo con maior capacidade de gasto.

Campaña que destaca o compoñente emotivo e próximo da visita a España, o carácter divertido e relaxado da experiencia, que destaca nas súas imaxes co trazo dun sorriso. Fai especial fincapé na forma e estilo de vida en España, transmitindo o valor da cultura española e personalizando a diversidade da súa oferta. Desde o punto de vista creativo, foi unha campaña conservadora que recolle momentos desenfadados dos turistas estranxeiros durante a súa visita a España.

Froito dun estudo sobre o posicionamento da marca turística España realizado en 2009, púxose de manifesto a sólida posición que España seguía mantendo como destino turístico en toda Europa, aínda que sempre estivo excesivamente asociada ao turismo de sol e praia. Ao mesmo tempo, este estudo confirmou a débil posición de España nos mercados emerxentes, especialmente en Asia.

Isto supuxo a adopción dunha nova estratexia baseada nun dobre obxectivo: o reposicionamento da marca España nos mercados europeos, para dar a coñecer a diversidade da oferta turística española; e o posicionamento da marca turística España en mercados emerxentes, co obxectivo de reforzar a súa notoriedade en mercados con gran potencial onde era menos coñecida.

Para este fin, en 2010 púxose en marcha a campaña «I need Spain» (Necesito España), que pretende renovar a imaxe da marca turística España a partir dun dos seus principais activos, como é estilo de vida español.

Para desenvolver a campaña, en formatos gráficos, audiovisuais e en liña, contouse con fotógrafos de renome internacional como Erik Almas ou Ale Burset, cineastas como Julio Medem e coa colaboración de embaixadores da marca procedentes do mundo da gastronomía, como Ferrán Adrià, ou do deporte, como Gisela Pulido e os xogadores das seleccións españolas de fútbol e baloncesto.

A campaña pretende reflectir a diversidade de destinos e produtos turísticos españois a través dunha ampla gama de visuais e spots. Esta campaña tamén foi a primeira en incluír ademais materiais creativos deseñados exclusivamente para o mercado asiático.​​​​​​​​​​​​​​​​​​​​​​

A campaña desenvolveuse en torno a dúas grandes liñas creativas: unha vinculada a unha campaña de diferenciación e outra vinculada a unha campaña de segmentación. A primeira é unha creatividade propia dunha campaña de imaxe na que se pretende mostrar o estilo de vida español como elemento diferenciador do destino turístico español. Na segunda trátase dunha creatividade asociada a unha campaña de produto na que se mostrarán os diferentes elementos que forman parte da carteira de produtos que pretende promocionar Turespaña.

Desde o 30 de xuño de 2017, Turespaña conta cunha nova creatividade para as súas campañas publicitarias internacionais: «España es parte de ti». Unha campaña que ten como obxectivo promover o turismo de calidade no noso país.

O obxectivo da campaña é o público cosmopolita, obxectivo táctico do Plan Estratéxico de Márketing de Turespaña, consumidor que marca tendencia, cunha alta propensión a gastar no destino ao que viaxa e cun alto índice de afinidade por actividades moi vivenciais: arte e cultura, compras, a enogastronomía, turismo urbano, lecer nocturno e realización de rutas e itinerarios con encanto.

A través dela, quérese atraer a este turista cosmopolita amosando a imaxe máis aspiracional e acolledora de España, buscando tres obxectivos básicos:

O lema da campaña é «España es parte de ti», que fai referencia a como unha visita impregna ao turista e unha parte (un destino, un produto, unha experiencia) do país permanece dentro del despois de marchar, e así se expresa con chiscos como as polaroids que se amosan, nas que se ven turistas con partes da paisaxe de fondo de cada visual que permaneceu pegada á súa roupa ou ás súas figuras. A chamada cumpre cos obxectivos da campaña grazas a:

Está dirixido principalmente a turistas europeos que senten que España é como a súa segunda casa, aqueles que teñen un vínculo emocional cos destinos españois, onde viviron experiencias únicas e inesquecibles, o lugar do que gardan os mellores recordos. Para este turista, España é sinónimo de vacacións, chegou o mellor momento do ano e é o momento de VOLVER A ESPAÑA.

TURESPAÑA aposta por unha creatividade moi emotiva. Cada peza transmite as emocións que anhelan os turistas e por iso volven revivir ano tras ano no noso país, emocións aínda máis ansiadas, se cabe, despois dos duros meses vividos pola pandemia. España ofréceche relax, tranquilidade, diversión, desconexión, o goce do «teu tempo e dos teus»…

A campaña está composta por 10 pezas gráficas que reflicten a diversidade e riqueza da nosa oferta turística, atributos e destinos, dirixidas a distintos públicos obxectivos, con perfís sociodemográficos e motivacionais diversos.

A campaña difundiuse fundamentalmente en medios dixitais para acadar unha maior precisión no alcance da mensaxe, adaptándoa tanto ao país emisor coma ao destinatario, presentando as creatividades máis relacionadas.

A estratexia dixital compleméntase con impactos en medios impresos e redes sociais para comunicar aos turistas internacionais que: «estamos a agardar por eles, que chegou o momento de volver».